Көкшетаулық «жас ғалымдар» мектеп оқушыларының зияткерлік және жеке бас дамуын талқыға салды
«Қазіргі заманғы қоғамда нанотехнология, биотехнология, ғарыш технологиялары сияқты жаңа технология түрлері шешуші рөл атқарады. Осы салалардың барлығында ғылым мен өндіріс бүтін бір тетікке айналып, осы салалардың қарқынды дамып, инновациялық жүйелердің енгізілуіне жол ашады. Бұл ретте әрине, шешуші рөлді ғылыми жетестіктер ойнайтындығы белгілі. Сондықтан да бүгінгі қоғамның бірінші кезектегі міндеті инновациялық технологияларды дамыта алатын жас мамандарды тәрбиелеу болып отыр»,-делінген хабарламада.
Кездесу барысында оған қатысушылар мектеп оқушыларының пән олимпиадалары мен оқушылардың ғылыми жобалары байқауларының ұйымдастырылу мәселесін талқыға салды. Мысал ретінде биылғы жылдың наурыз айында Оңтүстік Кореяның Дэджон қаласында өткен шараға Ақмола облысынан 5 мектеп оқушысы, ал Қазақстаннан онда 208 адамнан тұратын команда бақ сынасты.
Байқаудың мақсаты зерттеу ісімен айналысып жүрген мектеп оқушыларының интелектуалдық және жеке бас қасиеттерін дамыту. Байқаудың нәтижесі бойынша 2 оқушы жүлделі орындарды жеңіп алды. Халықаралық деңгейдегі тағы бір шара Әл-Фараби атындағы Қазақ ұлттық университетінің базасында өтті. Сондай-ақ «Жібек жол» деген атаумен халықаралық математика олимпиадасы ұйымдастырылып, Ақмола облысынан оған 9-11 сынып арасындағы 6 оқушы қатысты.
