Қазақстанда 437 МСАК ұйымы ынталандыру қосымша ақысын алды

«Биылғы  І тоқсанның қорытындысында 437 медициналық-санитариялық алғашқы көмек (МСАК) ұйымы кешенді жан басына шаққандағы нормативтің ынталандырушы компонентін (КЖНЫК) төлеу үшін 5,2 млрд. теңге қаражат алды. Қосымша қаржылай ынталандырумен 9,8 мың дәрігер, 25,7 мың орта медициналық қызметкер, 3,3 мың акушер, 2,2 мың әлеуметтік қызметкер және 1 мың психолог қамтылды», - делінген хабарламада.  

Ақырғы нәтиже индикаторларына жетудегі қызметкердің үлесін бағалауды денсаулық сақтау жүйесінің базалық көрсеткіштерін есепке ала отырып анықтайтын әрбір ұйым үрдіс индикаторларының көмегімен жүзеге асырады. Ол көрсеткіштерге ана мен бала өлім-жітімінің болмауы, туберкулез және онкологиялық патологияларды ерте кезеңде анықтау, жүрек-қан тамырлары жүйесінің (миокард инфаркты, инсульт) асқынған ауруларымен емдеуге жатқызу деңгейінің төмендеуі жатады.      

МСАК ұйымдары қызметінің ақырғы нәтижесінің әрбір индикаторының мәнін және КЖНЫК сомасын есептеу www.skpn.eisz.kz  порталында автоматты режімде есептеліп, ынталандыру төлемдерін қалыптастырудың ашықтығын қамтамасыз етеді.    

Еске сала кетейік, «Саламатты Қазақстан» мемлекеттік бағдарламасының басты мақсатының бірі - әлеуметтік бағдарланған МСАК басымды дамытуға негізделген денсаулық сақтаудың тиімді жүйесін қалыптастыру болып табылады.    

КЖНЫК енгізуге алғаш рет бюджет қаражаты 2011 жылы бөлінді. Осылайша, МСАК ұйымдарының қызметкерлері үшін қызметтік міндеттерін кәсіби атқарып, көрсетілген қызметке науқастардың көңілі толған жағдайда лайықты еңбекақы алуға мүмкіндік жасалып отыр.