Астанада арбамен билеуден ІІ Халықаралық турнир өтуде

17 Сәуір, 2015 20:27

Астанада Қазақстан V Би Олимпиадасының аясында Халықаралық Паралимпиялық Комитетттің қолдауымен арбамен спорттық билеуден «KAZAKHSTAN OPEN 2015» ІІ Халықаралық турнирі өтуде, деп хабарлады Мәдениет және спорт министрлігі.

Аталмыш турнир қатысушыларға 2015 жылғы Әлем Чемпионатына қатысуға мүмкіндік береді. Байқау Елордамызда Австрия, Грузия, Тайвань, Ресей, Қырғызстан, Гонконг және Қазақстанның 5 аймағынан (Тараз, Қарағанды, Қостанай, Астана және Атырау қалалары) келген спортшылардың басын қосады. Екі күн өтетін байқау бағдарламасына бидің еуропалық және латын америкалық бағдарламалары кіреді.

Еске салып кетсек, 2014 жылы Астанада өткен бірінші «KAZAKHSTAN OPEN 2014» Халықаралық турнирі спортшыларымызға Инчхон (Оңтүстік Корея) Пара Азия ойындарына 5 жолдама сыйлаған болатын. Нәтижесінде Қазақстан спортшылары 2 күміс және 1 қола жүлдеге қол жеткізді.

Әділ қазылар алқасының құрамына Қазақстан, Ресей, Испания, Қазахстана, Гонконг, Австря, Нидерландылар және Израильдан келетін халықаралық төрешілер мен классификаторлар кіреді.

Барлық жаңалықтар