• Басты
  • Тараз қаласының әкімі ардагерлерге 70 жылдыққа арналған медальдарды табыс етті

Тараз қаласының әкімі ардагерлерге 70 жылдыққа арналған медальдарды табыс етті

17 Сәуір, 2015 12:23
Тараз қаласының әкімі Нұржан Календеров ардагерлерді құттықтап, оларға Ұлы Жеңістің 70 жылдығына арналған медальдарды табыс етті.

Жамбыл облыстық ішкі саясат басқармасының хабарлауынша, ҰОС Жеңістің мерейтойына қалада тыңғылықты дайындық жұмыстары жүргізілуде. Атап айтқанда, қазір түрлі жөндеу жұмыстары жүргізіліп, 9 ескерткіш қалпына келтірілді.

«Сонымен қатар жерлес, соғыс  қаһарманы Ыбырайым Сүлейменовке арналып, ескерткіш салынуда. Мемориал оның есімі берілген көшеде орналасады»,-делінген хабарламада.

Бүгінгі таңда Таразда 122 ардагер мен 3 мың 700 тыл еңбеккері тұрып жатыр. Бес ардагерге пәтерлер беріліп, 14 соғыс ардагерінің үйіне жөндеу жұмыстары жүргізілді.

«Бұған қоса мемлекеттік бюджеттен ардагерлерге 250 мың теңге көлемінде материалдық көмек көрсетілуде. Сондай-ақ, 70 мың теңгеден соғыс ардагерлеріне теңестірілгендерге, 40 мың теңгеден тыл еңбеккерлеріне бөлінеді. Жеңіс мерекесіне дейін барлығы да өздеріне тиесілі кепілді төлемақыларды алады»,-делінген облыстық ішкі саясат басқармасы.

 

 

 

Барлық жаңалықтар