Жеңістің 70 жылдығына орай ШҚО ардагерлеріне 500 мың теңге бірмезеттік төлем беріледі
«Бұл төлем - ардагерлерге көрсетілетін көмектің бір бөлігі. Бүгінгі күні күні өңірде 594 ҰОС ардагері бар. Олардың алдында мәңгілік қарыздар екенімізді ұмытпауымыз керек. Ардагерлер әрдайым біздің назарымызда», - деді облыс әкімі.
Кеңесте белгілі болғандай, 19 сәуір мен 1 мамыр аралығында ардагерлердің барлығына аталған ақшалай төлем толық табысталатын болады. Облыс көлемінде Жеңіс күнін лайықты атап өту бойынша кең ауқымда жұмыстар атқарылуда.
Ағымдағы жылдың 1 наурызы бойынша «Жеңіске дейін 70 күн» тематикалық акциясы аясында аймақта 24 мың адамның қатысуымен 700-ге жуық іс-шара өткізілген. Ал мамыр айында 600 іс-шара өткізу жоспарланған. Сонымен қатар, мерейтой қарсаңында аймақтың барлық қалалары мен аудандарындағы 338 ескерткіш, мемориалдық тақтаның 102-не жөндеу жүргізілген.
