Ақмола облысында аймақтарды абаттандыруға 2,6 миллиард теңге бөлінді
Ақмола облысындағы көктемгі айлық кезінде аймақтардың санитарлық тазалығын қамтамасыз ету мен жасылдандыру бағытында жалпыоблыстық сенбілік өткізу жоспарлануда. Ақмола облысы әкімінің тапсырмасына сәйкес, көктемгі айлық 13-сәуір мен 23-мамыр аралығынна жарияланып отыр.
«Биылғы жылы жолдарды жөндеу мен айналасын ретке келтіру, жаяу жүргіншілерге арналған жолдар мен қоршауларды жарықтандырғыш құралдарды қалпына келтіру, қажетінше, сырлап, ақтау, спорт нысандарын ретке келтіріп, саябақтар мен гүлзарларды тазарту сияқты бірқатар шаралар жоспарлануда. Көшелердің көркі мен архитектуралық пішінін сақтау, талдарды суаруға қажетті қаржы қарастырылуда. 2015 жылы осы бағыттағы жұмыстарға барлығы 2,6 миллиард теңге бөлу жоспарлануда»,-делінген хабарламада.
Айта кететін мәселе қалалар мен аудандарда санитарлық тазалық пен көгеріштендіру жұмыстарына байланысты тиісті құжаттар бекітіліп, жоспар құрылып, тазалық мәселелерін бақылаумен айналысатын штаб құрылды. Тазалық айлығының тиімді өтуі үшін тазалуға жататын аймақтар 181 шағын телімдерге бөлініп, ондағы тазалық жұмыстарына 181 ұйым қатысады.
Айлық аясында жалпықалалық сенбіліктер мен апталық бейсенбіліктер ұйымдастырылуда. Оның барысында стихиялы түрде пайда болған қоқсықтар жиналған орындарды тазартып, талдарды ақтау, шөпті тазалау, шіріген жапырақтан тазарту, жалпы алғанда жаз мезгіліне дайындық жұмыстары жүргізілуде. Бұл бағыттағы шараларға қала мен аудандардық коммуналдық кәсіпорындарының барлық техникалары жұмылдырылуда.
