ҚР Бас прокуроры Ақтөбе облысындағы құқық қорғау органдарының басшыларымен кеңес өткізді

Келелі кеңесте А.Дауылбаев Мемлекет басшысы қойған міндеттердің орындалуына және жаңа қылмыстық, қылмыстық-процестік, қылмыстық атқарушылық, әкімшілік заңнамаларды қолданудың өзекті мәселелеріне ерекше назар аударып, жаңа өзгерістерді жүзеге асыру бойынша нақты тапсырмалар берді, деп хабарлады ведомсвтоның баспасөз қызметі.

Сондай-ақ жиналыста өңірдегі заңдылық пен құқықтық тәртіпті қамтамасыз ету мәселелері талқыланды, прокурорлық қадағалаудың басым бағыттары, әлеуметтік шиеленістерді ескерту, азаматтардың еңбек құқықтарын қорғау, қоғамдық-саяси жағдайдың мониторингі, азаматтардың сенім деңгейін арттыру, прокуратураның құқық қорғаушылық рөлін нығайту, құқық бұзушылықтың профилактикасы, «мүлдем төзбеушілік» қағидасын жүзеге асыру бойынша жаңа міндеттер қойылды.