• Басты
  • Қазақстанда ғылыми зерттеулерді қаржыландыру көлемі арттырылады - Жолдасбаев

Қазақстанда ғылыми зерттеулерді қаржыландыру көлемі арттырылады - Жолдасбаев

16 Сәуір, 2015 17:54
Қазақстанда ғылыми зерттеулерді қаржыландыру көлемі арттырылады, деп хабарлады ҚР БҒМ ғылым комитетінің төрағасы Сансызбай Жолдасбаев ОКҚ-да өткен баспасөз конференциясында.

«Ғылым жүйесінде ғылыми зерттеулерді қаржыландырудағы алшақтық әлі де сақталып келеді. Орталық зерттеулер үлесі - 23%, қолданбалы - 58% және тәжірибелік құрастырымдық зерттеулер - 19%. Бізге тәжірибелік құрастырымдық зерттеулердің маңыздылығын арттырып, олардың өндірісте пайдаланылуын қамтамасыз ету керек. Осы ретте қаржыландыру көлемін айтарлықтай арттыру көзделуде»,- деп атап өтті С.Жолдасбаев.

Сонымен қатар, оның айтуынша аталмыш салаға жеке сектордың қаржысын тарту жоспарлануда.

«Соңғы кездері ғылыми этика мен плагиат проблемаға айналып барады. Ал, халықаралық ғылыми ортада этикаға үлкен көңіл бөлінеді. 1998 жылы ЮНЕСКО-ның бастамасымен ғылыми білім мен технология бойынша халықаралық этика комиссиясы жасақталды. Қазақстандық қауымдастық үшін бұл проблемада айтарлықтай маңызды»,- деп толықтырды комитет басшысы.

Оның пайымынша, мәселені этика бойынша комиссияны құру немесе сәйкесінше ғалымның этика кодексін жасақтау арқылы шешуге болады.

Камила Амирова

Барлық жаңалықтар