Қазақстанда 2015 жылы ғылыми жетістіктерді коммерцияландыру туралы заң қабылданады – БҒМ

«Ағымдағы жылы біз ғылыми техникалық қызметтің жетістіктерін коммерцияландыру туралы заң жобасын жасақтайтын боламыз. Заң ғылыми зерттеулердің нәтижелігін және олардың мақсатты пайдаланылуын арттыруға бағытталады», - деді С.Жолдасбаев.

Қазіргі таңда заң жобасын ҚР Әділет министрлігі арасындағы ведомсвто аралық комиссия қарастыруда.

«Жұмыс комиссиясы құрылды, заң дайын. Бүгінде МАК-тың шешімін күту ғана қалды. Міндетіміз заңды ағымдағы жылы қабылдауымыз керек. Ол бізге ауадай қажет. Бүгінде нормативті-құқықтық база жасақталды», - деп атап өтті ол.

Салалық комитеттің төрағасы атап өткендей, 2014 жылдың қорытындысы бойынша 118 ғылыми зерттеу жобасының  нәтижесі пайдаланылды.

«Аталмыш саланы дамыту мақсатында Дүниежүзілік банкпен технологияны коммерцияландыру жобасы жүзеге асырылуда. Барлығы 66 жоба қаржыландырылды, оның ішінде 33 жобаның 6 іске қосылды», - деп толықтырды ол.

Камила Амирова