Түркия Республикасының басшысы қазақ халқын Қазақ хандығының 550-жылдығымен құттықтады
16 Сәуір, 2015 16:18
Түркия Республикасының Президенті Реджеп Тайып Ердоған қазақ халқын Қазақ хандығның 550-жалдығымен құттықтады. Бұл туралы Түркия басшысы Ақордадағы қазақстан мен Түркия арасындағы екіжақты мәлімдеме барысында айтты.
«Арада 3 жыл салып мен қайта ата-бабамыз орналасқан жерге келдім. Бұл біздің әкелеріміздің отаны, Туркия Президенті болып келуім мені бақытты етеді», - деді Түркия басшысы.
Түркия Президенті аталмыш сапардың маңыздылығына тоқталып өтті, себебі 2015 жылы Қазақ хандығының құрылғандығына 550 жыл толады.
«Осы орайда мен Қазақстан халқын айтулы мерекемен құттықтаймын», - деді ол.
Естеріңізге сала кетейік, Қазақстанға мемлекеттік сапармен Түркия Республикасының Президенті Реджеп Тайып Ердоған келді. Сапар аясында екі мемлекет басшыларының Жоғары деңгейдегі стратегиялық ынтымақтастық кеңесінің екінші отырысына қатысты.
Индира Кауметова
