Қазақстан мен ТМД елдерінің дәрігерлері инфекциялық аурулардың алдын алу жөнінде тәжірибе алмасты

ҚР Денсаулық сақтау және әлеуметтік даму министрлігі хабарлағандай, іс-шараны ұйымдастырушылар,  ҚР Денсаулық сақтау және әлеуметтік даму министрлігі, ҚР Ұлттық экономика министрлігінің Тұтынушылардың құқықтарын қорғау комитеті, «Инфекциялық аурулар жөніндегі Еуразиялық қоғам» халықаралық қоғамдық ұйымы және «С.Д.Асфендияров атындағы Қазақ ұлттық медициналық университеті түлектерінің қауымдастығы» республикалық қоғамдық ұйымы.

Қазіргі уақытта инфекциялық аурулар адамның жалпы сырқаттанушылық құрылымында басты орындардың бірін алады. Дүниежүзілік денсаулық сақтау ұйымының (ДДҰ) мәліметінше, жыл сайын 2 млрд. адам инфекциялық ауруларға шалдықса, олардың 17 млн. қайтыс болады. 

21 ғасырдың ерекшеліктері: иммунопрофилактика құралдарымен бақылауға болатын балалар инфекциясының (қызамық, дифтерия, көкжөтел, эпидемиялық паротит, полиомиелит) күрт төмендеуімен және жойылуымен қатар, эпидемия және індет (В және С вирустық гепатиті, АИТВ) түрінде ғаламдық көлемде таралатын инфекциялар пайда болуда; бұрыннан белгілі инфекциялардың (туберкулез, дифтерия, тұмау, қызылша және т.б.) эпидемиялық таралуы, барынша ауыр түріне және жиі өлі-жітімге әкелуі байқалады. Микроағзалардың химиялық препараттарға дәрілік қарсылығының дамуы және этиотропты терапия тиімділігінің күрт төмендеуі (70–90%-ға)  проблемасы ғаламдық маңызға ие болды. 

Алматыда ғылыми-тәжірибелік конференция өткізу денсаулық сақтау саласында халықаралық ынтымақтастықты дамытуға, отандық медицинаны қазіргі заманғы халықаралық зерттеу бағдарламаларына ықпалдастыруға, медицина мамандарының білім деңгейін арттыруға, эпидемиологиялық қадағалауды және инфекциялық ауруларға шалдыққан науқастарға көрсетілетін көмек сапасын жетілдіруге бағытталған.