Қазақстандағы сайлауалды науқаны ұйымдасқан түрде әрі қарқынды жүріп жатыр – М.Әшімбаев
«Қазақстандағы сайлауалды науқанына талдау жасай келе, кандидаттардың штабтарының да сайлау комиссияларының да жалпы алғанда, барлық ұйымдастыру жұмыстарының жоғары деңгейде екендігін айтпай кетуге болмайды. Кандидаттардың үгіт-насихат жұмыстары да нақты өздерінің мақсат-міндеттеріне сай жүргізілуде. Штаб өкілдері өздерінің кандидаттарынан басқа, тұрғындарды сайлауалды бағдарламалармен таныстыру, сайлаушылардың белсенділігін арттыру бағытында да қомақты жұмыстар атқарды десе болады»,-деді саясаттанушы.
Оның сөзінше, сайлауалды науқан барлық қажеттіліктермен қамтамасыз етіліп, ақпараттандыру жұмыстарын да талапқа сай орындауда. Ал БАҚ міз бақпай сайлауды үдерістерін бақылап отыр.
Д.Әшімбаевтың пікірінше, сайлау науқаны республиканың барлық аумағында белсенді жүріп жатыр. Осыған қарап, оның нәтижесі де біз күткендегіден жоғары болуы әбден ықтимал деп жорамалдауға болады. Осы жолғы сайлау үдерісі 1999, 2005, 2011 жылғы сайлаулармен салыстырғанда айтарлықтай жоғары болып тұр. Өйткені бұрынғы сайлаулар бойынша үлкен талдау, сараптау жұмыстары жүргізіліп, қателіктер сараланып, барлық мүмкіндіктер жан-жақты қарастырылған.
«Президенттік сайлау-2015 – бұл жәй ғана процедура емес, ол еліміздің халқын біріктіру факторы, халықтың алдағы уақыттағы даму жолын таңдауына мүмкіндік беру, елдегі жағдайды өзінің жеке бас мүддесіне пайдаланғысы келетіндерге лайықты жауап беру»,-деді ол.
