Еліміздегі су тасқыны жағдайы 7-10 күн ішінде қалпына келеді- ТЖК

«Қарағанды облысы Ғ.Мұстафин атындағы ауылдың жағдай ұшығып тұр, онда 2 350 тұрғын қауіпсіз аймаққа көшірілді. Далалық асхана, медициналық орталық ұйымдастырылып, қоғамдық қауіпсіздік қатаң бақылауға алынған және қосымша күзет бекеттері ашылды. Ауылдағы су деңгейі төмендеуде, сондықтан тұрғындарға өз үйлерін аралауға мүмкіндік берілуде», - деді  А.Советов.

Оның айтуынша, бұдан басқа 139 үй су астына кеткен Қызылжар ауданының тұрғындары да толығымен қауіпсіз аймаққа көшірілген.

«Теміртау қаласында жеке сектордың 46 үйі су астында қалған және 48 адам көшірілген. Құтқарушылар барлық сақтық шараларын жүргізуде», - деп толықтырды  А.Советов.

Оның айтуынша, еліміздегі су тасқыны жағдайы шамамен 7-10 күн ішінде қалпына келеді.

«Ал үйлері су астында қалып қойған азаматтардың шығынын есептеу бойынша арнайы комиссия өз жұмысын бастап кетті. Азаматтарымыз мемлекеттің қарауысыз қалмайды», - деп сендірді  А.Советов.