ИИДМБ: Атырауда Республика бойынша алғашқы ауыр бұрғылау қондырғысы салынды

Теңдесі жоқ бұрғылау қондырғысының биіктігі 51 метр, қуаты 650 тонна. Құны 3 миллиард 640 миллион теңге болатын жоба Қазақстанның Индустрияландыру картасының аясында салынды.  

Облыс әкімі Бақытқожа Ізмұхембетовтың айтуынша, алғашқы бесжылдықтың қорытындысы бойынша Атырау облысында 76 миллиард теңгенің жобалары жүзеге асырылған. Екінші жартыжылдыққа тағы бірқатар өзекті жобаларды жүзеге асыру жоспарланған.  

Облыс басшысының айтуынша, аймақта бірнеше перспективалы кен орындары бар. Енді тұз шөгіп қалған кеніштерді бұрғылау қажет. Ол үшін өте қуатты бұрғылау қондырғылары керек. Бүгінгі дейін елімізде шетелдік бұрғылау қондырғылары пайдаланылып келді, ал қазақстандық жаңа қондырғының шетелдік құрылғылардан ешқандай да кемістігі жоқ, кейбір талаптар бойынша тіпті олардың алдын орайды. Оның ішінде бағасы бойынша да, оның құны шетелдіктердікінен 30 пайызға төмен.     

«Аталмыш жобаны жүзеге асыруға ынтымақтастық туралы келісімге сәйкес, ағылшындардың «Дискавери Дриллинг Эквипмент Лимитед» компаниясы қомақты үлес қосты. Қазақстанның жобадағы үлесі 35 пайыз. Облыс әкімі инвесторларға сәтті ынтымақтастық әрекеттері үшін алғысын білдірді»,-делінген хабарламада.