Ақордада Н.Назарбаев пен Түркия Президенті арасында келіссөздер жүргізілуде
Түркия Президенті Реджеп Тайып Ердоған Қазақстанға мемлекеттік сапармен ат басын тіреді. Бұл Түркия Президентінің қазақ еліне келіп тұрған тұңғыш сапары.
Сапар аясында екі мемлекет басшысының Жоғары деңгейдегі стратегиялық ынтымақтастық кеңесінің екінші отырысына қатысуы көзделген.
Түркия президенті Түркістанда Түркия Дін істері басқармасының қаражатына салынған үлкен мешіттің, Қожа Ахмет Ясауи атындағы қазақ-түрік университетінің жаңадан салынған нысандарының салтанатты түрде ашылуына қатысады.
Айта кетейік, іскерлік сапардың мақсаты екі елдің сауда-экономикалық ынтымақтастығы мен рухани-мәдени саласын кеңейтуге бағытталған.
«Қазақстан – Орта Азиядағы біздің маңызды сауда-экономикалық серіктесіміз. Ал, Нұрсұлтан Назарбаевпен бізді достық қарым-қатынас байланыстырады. Соңғы кезде Қазақстан мен өзге Орта Азия елдерімен ынтымақтастықты күшейте түстік», - деді баспасөз конференциясында Түркия Президенті Реджеп Тайып Ердоған
Индира Кауметова
