ЕЭК 2015-2016 жылдарды қамтитын ЕАЭО елдерінің жеңіл өнеркәсібін дамыту шараларының жоспарын мақұлдады
Құжатта жеңіл өнеркәсіптің инвестициялық тартымдылығы мен бәсекеге қабілеттілігін арттыруға бағытталған кешенді шаралар қамтылған. Оларды жүзеге асырған жағдайда кооперациялық тізімді іс жүзінде түзуге, жеңіл өнеркәсіптің жекелеген бөліктері бойынша импорталмастыруды дамытуға, жаңа технологияларды меңгеруге мүмкіндік туады, деп хабарлады ЕЭК.
«Жоспар жүзеге асырылған жағдайда ЕАЭО өндірушілерінің мемлекеттік сатып алуларға қолжетімділікті қамтамасыз ете алатын ұлттық режим орнайды және Одақтың ортақ нарығында жеңіл өнеркәсіп тауарлары айналымын бақылау мен оларға қатысты салықтық әкімшілендірудің бірыңғай нақты тәртібін қалыптастыруға ықпал етеді»,-деді ЕЭК Өнеркәсіп пен агроөнеркәсіп кешені алқасының мүшесі Сергей Сидорский.
Жоспарда сонымен қатар, саланы шикізатпен қамтамасыз ету шарттарын қалыптастыру, ортақ нарықтың сыйымдылығын ескере отырып, өндіріс қуаттарын пайдаланудың тиімділігін арттыру, ЕАЭО аясында ұйымға мүше мемлекеттердің мүдделері негізінде саланы дамытудың ұзақмерзімді және қысқамерзімді бағыттарын анықтау мәселелері қарастырылған. Жоспарланған іс-шараларды жүзеге асыру ЕАЭО елдерінің жеңіл өнеркәсіп саласы бойынша өнеркәсіптік ынтымақтастықты дамытудың құқықтық негіздерін қалауға ықпал етеді.
