Оралда 5 айдың ішінде әскери тақырыпқа байланысты 8 театрланған қойылым сахналанды

16 Сәуір, 2015 20:22

Батыс Қазақстан облысының театрларында биылғы жылы Жеңіс күніне арналып, қойылған қойылымдардың саны рекордтық деңгейге жетті, деп хабарланды ішкі саясат басқармасынан.

Соңғы 5 айда мұнда әскер тақырыбына арналып, 8 қойылым қойылған. Мысалы ақпан айында Қазақ драма театрында Шыңғыс Айтматовтың «Жәмилә» драмасының премьерасы өтті. Онда ауыл азаматтарының соғыс уақытындағы тыныс-тіршілігі мен тыл еңбеккерлерінің соғыстың аяқталар тұсындағы еңбектері суреттеледі. Наурыз айында Ежелгі грек драматургі Еврипиданың әйгілі трагедиясынан «Троя арулары» атты қойылымының алғашқы көрсетілімі болды. Ежелгі Троядағы қаһармандардың өмірі қазіргі заманғы өмірмен біршама үндесуі спектакальді барынша қызықты ете түсті. Көріністегі соғыс кезіндегі әйелдер көрген өмір қиындықтары еріксіз соғысқа лағынет айтуға мәжбүрлейді.

Сәуір айының басында Облыстық Қазақ театрында Шерхан Мұртазаның әскери драмасынан «Ноқтаға сыймаған» атты спектакльдің премьерасы өтеді. Онда Бауыржан Момышұлының ерлік істері сипатталады.

Облыстық ішкі саясат басқармасының хабарлауынша, Ұлы Жеңістің 70 жылдығына орай облыста «Ұлы Жеңістің 70 жылдығына орай 70 ізгі іс» жобасы іске қосылды. Оның аясында көптеген мәдени-бұқаралық іс-шаралар ұйымдастырылуда.

Барлық жаңалықтар