Ақмола облысының мүмкіндігі шектеулі балалары «Жұлдызай-2015» байқауына қатысу үшін бақ сынасты (Фото)
16 Сәуір, 2015 20:07
Көкшетауда 10-шы «Жұлдызай» фестивалі өтті, шараға мүмкіндігі шектеулі жандар қатысты, деп хабарлады Ақмола облысының ішкі саясат басқармасы жанындағы «Ақмола медиа орталығы».
Мүмкіндігі шектеулі жандар «Жұлдызай-2015» байқауына қатысу үшін бақ сынасты. 1 маусым күні Астанада «Жұлдызай» фестивалініің гала-концерті өтеді. «Олар осы жылы да мүгедектер арбасы мен көздің көрмеуі талантты бұқтыра алмайтынын дәлелдеді. Сол үшін көп жыл бұрын шығармашылық сайыстарды өткізу шешімі қабылданды», - делінген хабарламада.
Ос ыжолы сахнаға 163 жас талант шықты. «Жұлдызай» жыл сайынғы фестивалі 10 жыл қатарынан өткізілуде. Оның мақсаты талантты жастарды анықтау, мүгедектерге бейімделуге қолдау көрсету.
Осы жылы сайыста вокал, аспаппен орындау, би, ыммен ән айту, қолөнер өнері орын алды.
