• Басты
  • Батыс Қазақстанның 17 соғыс ардагері Жеңістің 70 жылдығын Астанада атап өтеді
16 Сәуір, 2015 19:54

Батыс Қазақстанның 17 соғыс ардагері Жеңістің 70 жылдығын Астанада атап өтеді

Жеңістің 70 жылдығы аясында батысқазақстандықтар мамыр айындағы мерекелерді кең көлемде атап өтеді, деп хабарланды облыстық ішкі саясат басқармасынан.
Батыс Қазақстанның 17 соғыс ардагері Жеңістің 70 жылдығын Астанада атап өтеді

Бірқатар патриоттық және мәдени-бұқаралық іс-шаралар қарастырылған. Батыс Қазақстан облысынан 17 соғыс ардагері Жеңістің 70 жылдығын Астанада атап өтеді деп жоспарлануда. Соғыс ардагерлеріне мемлекеттік наградалар табыс етіледі.  

Бүгінгі таңда облыста 240 соғыс ардагері тұрады. Олардың барлығы да сәуір айында тиісті төлемақыларын алады, деді Айгүл Есекенова.

«Ардагерлер бірінші кезекте әлеуметтік және медициналық көмектерді қажет етеді, сондықтан негізгі жұмыс осы бағытта атқарылады. Оларға бөлінетін қаржы бюджеттен өткен жылы-ақ қарастырылған болатын. Алдыға қойылған барлық жоспарлар орындалуда»,-делінген хабарламада.

Облыс әкімі Нұрлан Ноғаев 30 ардагерге алғашқы медальдарды тапсырып та үлгерді. Сәуірдің 25-не дейін мұндай медальдар барлық соғыс ардагерлері мен тыл еңбеккерлеріне беріледі деп күтілуде.

 

 

Барлық жаңалықтар