Қазақстанда 2015 жылдың алғашқы тоқсанында ЖIӨ 2,2%-ға өсті

«Жалпы iшкi өнiм бiрiншi тоқсанда 2,2 пайызға жоғарылады. Қаңтар-наурызда негiзгi капиталға салынған инвестициялар көлемi 969 млрд теңгенi құрап, 2,9 пайызға өсті. Өнеркәсiп өндiрiсiнiң көлемi 3 трлн 372 млрд теңгенi құрап, 0,6 пайызға өстi. Ауыл шаруашылығы жалпы өнiмiнiң көлемi 254 млрд теңгенi құрап, 3 пайызға артты», - деді Ә.Смайылов.

Электрмен жабдықтау, газ, бу беру және ауа баптауда 2%, сумен жабдықтауда, кәріз жүйесі, қалдықтарды жинау және бөлуді бақылауда 9,4% төмендеді.2015 жылғы қаңтар-наурызда ауыл шаруашылығы жалпы өнімінің көлемі 254,3 млрд. теңгені құрап, 2014 жылғы қаңтар-наурызға қарағанда 3% артты.2015 жылғы қаңтар-наурызда «Көлік» саласы бойынша нақты көлем индексі 107%-ды құрды.

2015 жылғы қаңтар-ақпанда сыртқы сауда айналымы 13393,1 млн. АҚШ долларын құрап, 2014 жылғы каңтар-ақпанмен салыстырғанда 37,1% төмендеді, оның ішінде экспорт – 8533,8 млн. АҚШ долларын (45,8% аз), импорт – 4859,3 млн. АҚШ долларын құрады (12,2% аз).

«2015 жылғы ақпанда халықтың орта есеппен жан басына шаққандағы атаулы ақшалай табыстары бағалау бойынша 62388 теңгені құрады, бұл 2014 жылғы ақпанға қарағанда 10,4% жоғары, ал нақты ақшалай табыс көрсетілген кезеңде 4,1% өсті», - деді ол.

Камила Амирова