15 Сәуір, 2015 19:16

«OSKEMEN EXPO – 2015» көрмесіне орай «Болашақ энергиясы» байқауы жарияланды

2017 жылы өткізілетін «Астана ЭКСПО-2017» көрмесі қарсаңында Өскеменде ағымдағы жылдың 25 мамырында «OSKEMEN EXPO – 2015» көрмесі ұйымдастырылады, деп хабарлады ШҚО ақпараттық орталығы.

Аталмыш көрмеге орай, ШҚО әкімдігінің қолдауымен облыстық туризм және сыртқы байланыстар басқармасы «жасыл» технология саласындағы жобаларды іздеп табу мақсатында «Болашақ энергиясы» атты жобалар байқауын жариялады.

Байқау мақсаты – «ЭКСПО-2017» мен «OSKEMEN EXPO – 2015» көрмелерінің әлеуетті қатысушыларын анықтай отырып, аймақтың жасыл технология саласындағы мүмкіндіктерін ашу, жаңа технологияларды қолдану маңыздылығын арттыру, ғылым және жаңа технология саласына жас дарындарды тарту. Байқауға облыс тұрғындарымен қатар, ҚР салық төлеуші кез келген азамат ат салыса алады.

«Болашақ энергиясы» байқауы қорытындысында жеңімпаздар 4 сала бойынша анықталады. Олар: дәстүрлі, альтернативті энергетикадағы таза технология, тау-кен металлургиясы саласындағы «жасыл технология», агроөнеркәсіп кешеніндегі технологиялардың энергиясын үнемдеу, экотуризм салалары.

Әр номинация бойынша жеңімпаздарға арнайы диплом және 200 мың теңге көлемінде ақшалай сыйлық табыс етіледі. Өтінімдер 2014 жылдың 25 сәуіріне дейін қабылданады.

Барлық жаңалықтар