• Басты
  • Құрлық әскерлері әскери институтының курсанттары Мәскеуде өтетін парадқа дайындалуда
16 Сәуір, 2015 09:23

Құрлық әскерлері әскери институтының курсанттары Мәскеуде өтетін парадқа дайындалуда

Ұлы Отан соғысындағы Жеңістің 70 жылдығы мерейтойы аясында ТМД елдерінде айтулы датаға арналған мерекелік іс-шаралар өтуде, деп хабарлады Қорғаныс министрлігі.
Құрлық әскерлері әскери институтының курсанттары Мәскеуде өтетін парадқа дайындалуда

Ұлы Отан соғысындағы Жеңістің 70 жылдығы құрметіне арналған әскери парад – бұл бізге бейбіт өмір сыйлаған даңқты әкелеріміз, ата-бабаларымызға деген құрмет.

 Бұл орайда, Қазақстанда әскерлер парадын өткізу жоспарланып отыр. Жауынгерлік іс-шараға әскер түрлері мен тектерінің жеке құрамы, әскери техника қатысады. Құрлық әскерлері әскери институтының курсанттарына Мәскеудегі Қызыл алаңда өтетін әскери парадқа қатысу мүмкіндігі туып отыр.

 Әскери институт басшылығы бір ай  бойы саптық тұрғыда жинақы, сонымен қатар алға қойған міндеттерді абыроймен атқаратын курсанттарды таңдады. Бүгінгі күні Құрлық әскерлері әскери институтының болашақ офицерлері саптық тұрғыдағы шеберліктерін шыңдауда, сондай-ақ салтанатты үлгідегі киімдерін әзірлеп, өздерінің шеберліктері мен ептіліктерін көрсететін Мәскеудегі парадқа қатысуға дайындалуда.

 

Барлық жаңалықтар