• Басты
  • Ақмола облысында ҰОС ардагерлері жаңа пәтерлер алды
16 Сәуір, 2015 08:34

Ақмола облысында ҰОС ардагерлері жаңа пәтерлер алды

Ұлы Отан соғысының екі ардагері Федор Гаврилович Трубицын мен Николай Тимофеевич Гугучкин Ақкөл қаласындағы мемлекеттік бағдарлама аясында салынған жаңа 45 пәтерлі үйден пәтерлер алды, деп хабарлайды Ақмола облыстық ішкі саясат басқармасына қарасты «Ақмола Медиа Орталығы».
Ақмола облысында ҰОС ардагерлері жаңа пәтерлер алды

Ф.Трубицын қажеттіліктермен толық қамтамасыз етілмеген үйден жаңа пәтерге көшеді. Биыл ол 90 жасқа толуын атап өтті. «Жаңа пәтерде Ұлы Жеңістің 70 жылдығын қуана-қуана қарсы аламын»,-дейді ардагер.    

Федор Гаврилович Трубицын Калинин майданында болған. Жарақат алған соң Иванов қаласындағы госпитальда емделген. Ардагер Беларуссияның Орши қаласын азат ету ұрыстарына қатысқан. Каунас пен Вюльнюс қалалары үшін де шайқасты. 1-ші дәрежелі Отан соғысы орденімен, «Ерлігі үшін», «Кенигсбергті алғаны үшін», «Германияны жеңгені үшін», «Кеңес Одағының маршалы Г.К.Жуков», «Украинаның азат етілуіне 60 жыл» медальдарымен марапатталған.  

Николай Тимофеевич Гугучкин отставкадағы подполковник, жаңа пәтерде биыл ол екі мерекені қатар атап өтпек. Біріншісі Ұлы Жеңістің 70 жылдығы болса, екіншісі ардагер қарттың 90 жасқа толу мерейтойы.

Николай Тимофеев өз еркімен әуе-денсанты әскеріне сұранған. 3-ші Украина майданының құрамында Балатон тобы мен Венгриядағы неміс фашистерін жоюға қатысқан. Австрия мен Чехословакияны да азат етуге қатысты. Оның десант әскеріндегі қызметі бейбіт заманда да жалғасқан. 3-ші дәрежелі Даңқ, 2-ші дәрежелі Отан соғысы ордендерімен және «Германияны жеңгені үшін», «Тың жерлерді игергені үшін», «Еңбек ардагері», «Кеңес Одағының маршалы Г.К.Жуков» медалімен  марапатталған.      

Барлық жаңалықтар