Талдықорғанда «Мәңгілік ел» тақырыбындағы айтыс жеңімпазына 250 мың теңге табысталды

15 Сәуір, 2015 20:42

Талдықорғандағы І.Жансүгіров атындағы Мәдениет сарайында «Мәңгілік ел» тақырыбында облыстық ақындар айтысы өтті, деп хабарлады облыс әкімдігінің баспасөз қызметі.

«Нұр Отан» партиясының Алматы облыстық филиалы және облыстық мәдениет басқармасының ұйымдастыруымен өтті. Айтыстың мақсатына сәйкес ақындар Қазақ хандығының 550, Ұлы Жеңістің 70, Қазақстан халқы Ассамблеясы мен Конституциямыздың 20 жылдық мерейтойларының тағылымын жырмен танытты, тәуелсіз еліміздің жетістіктерін паш етіп, әлеуметтік жағдайын тілге тиек етті.

Сөз сайысының Бас жүлдесін талдықорғандық Жанар Төлеу иеленіп, оған 250 мың теңге ақшалай сыйлық берілді. 1-орын тұғырына да талдықорғандық ақын көтеріліп, Аягөз Серікқызына марапатталды. Екі 2-орын Ескелді ауданынын келген Алғысбек Дәурен мен талғарлық Арзыгүл Қайыңбек, екі үшінші орын Ескелді ауданының ақыны Бауыржан Мақсат пен ақсулық ақын Қанат Боқанға берілді. Жүлдегерлердің барлығына ақшалай сыйлық табыс етілді.

Сонымен қатар Сүйінбай атындағы арнайы жүлде Жанатбек Айдарәліге, Бақтыбай Жолбарысұлы атындағы арнайы жүлде Елдос Әкімбекке, Жамбыл атындағы арнайы жүлде Дархан Серікке, Сара Тастанбекқызы атындағы арнайы жүлде Аяулым Жұмабекқызына, белсене қатысқаны үшін Фатих Ақынұлы мен Бүркітқазы Әділбекке ұсынылды.

Барлық жаңалықтар