Румыния Астанадағы «ЭКСПО-2017» Халықаралық мамандандырылған көрмесіне қатысады

15 Сәуір, 2015 15:24

Қазақстанның Румыниядағы Елшісі Дәулет Батырашев Румынияның Сыртқы істер министрлігінің Бас директоры, «ЭКСПО» мәселелері жөніндегі комиссары Джеорджиан Гервасимен кездесті, деп хабарлады ҚР СІМ.

Кездесу барысында «ЭКСПО-2017» көрмесінің тұсаукесері ұсынылды. Кездесудің соңында Румыния Астанада өтетін «ЭКСПО-2017» халықаралық мамандандырылған көрмесіне қатысуын ресми түрде растады.

Дж. Герваси Румыния Халықаралық көрмелер бюросының қалаушы-мүшесі ретінде халықаралық көрмелердің тұжырымдамасы мен мағынасын қолдап, Қазақстанның халықаралық көрмелер дамуына қосатын зор үлесін жоғары бағалайтындығын атап өтті. Астана қаласында «ЭКСПО-2017» көрмесін ұйымдастыру XXI ғасырдың неігзі сындарына ең үздік шешім іздеуге бағытталған орасан зор шара болып табылады.

Қазақстандық дипломат Румынияның еліміздің халықаралық бастамаларына тұрақты қолдау көрсететіне алғысын білдіріп, оның «ЭКСПО-2017»-ге қатысуы көрменің сәтті өтуіне үлес қосып, халықаралық көрме қозғалысына оң екпін беретіндігін атап өтті.

Барлық жаңалықтар