Қазақстанда жергілікті жерде өндірілген тауарларды сатып алу көлемі 6 триллион теңгені құрайды

15 Сәуір, 2015 11:30

Қазіргі таңда жалпы сатып алу мөлшері 9 триллион теңгенің көлемінде, оның ішінде жергілікті қамтумен қамтамасыз етілгендері 5,9 триллион теңге. Бұл туралы Инвестициялар және даму министрлігінің Жауапты хатшысы Бейбіт Атамқұлов 315 отандық өнім өндіруші кәсіпорындар мен 755 ірі компаниялардың, шағын және орта бизнестің, құзырлы мемлекеттік органдар мен даму институттарының өкілдері қатысып жатқан VI «Қазақстандық өнім жасаймыз» форумында мәлім етті.

«Жергілікті қамту мемлекеттік саясаттың маңызды бағыттарының бірі, еліміздің индустриалды-инновациялық дамуының ажырамас бөлігі, ол отандық тауарлар мен қызметтердің жергілікті нарықта барынша кеңінен орын алуын қамтамасыз етеді»,-деді Б.Атамқұлов.

Оның сөзінше, 2010-2014 жылдарға арналған ҮИИДМБ жүзеге асыру барысында жергілікті қамту бағдарламасы 23 миллион теңгені, тауарлар мен қызметтерді қазақстандық өндірушілерден алу арқылы игеруге мүмкіндік берді.

«Қазіргі таңда сатып алулардың жалпы сомасы шамамен 9 триллион теңгені құрайды, оның ішінде жергілікті қамту деңгейі 5,9 триллион теңге»,-деді Жауапты хатшы.

Бұған қоса, Б.Атамқұловтың айтуынша, ұлттық холдингтер мен компаниялардың сатып алулар жүйесінен сатып алу жөніндегі талап тоқтатылады. «2015 жылдың 1-қаңтарына дейін бекітілген жер қойнауын пайдаланушылармен келісімде көрсетілген жергілікті қамту бойынша қойылатын талаптар 2023 жылға дейін күшінде болады»,-деп жалғады сөзін министрлік өкілі.

Бұған қоса, Б.Атамқұловтың сөзінше, Қазақстанның еуразиялық ықпалдастығы мен Дүниежүзілік сауда ұйымына кіру шарттары отандық тауарларды қолдау шараларын шектейді.

«Қазіргі таңда министрліктер мен ұлттық компаниялар тарапынан отандық тауар өндірушілермен ұзақмерзімді келісімдер жасау жұмыстары жалғасуда. Ұлттық холдингтер желісі бойынша аталмыш талап өзінің күшін келесі жылы жояды»,-деді Б.Атамқұлов.

Индира Кауметова

Барлық жаңалықтар