Ақтөбе қаласында 1594 мүлік жария етілді
«Қазақстан Республикасының азаматтарына, оралмандарға және Қазақстан Республикасында тұруға ықтиярхаты бар тұлғаларға олардың мүлікті жария етуіне байланысты рақымшылық жасау туралы» Заңына сай 2014 жылдың 1 қыркүйегінен бастап Ақтөбе қаласында құқықтары Қазақстан Республикасының заңнамасына сәйкес рәсімделмеген мүлік объектілерін жария ету мүлікті жария ету процедурасы жүргізілуде.
Ақтөбе қаласы әкімінің шешімімен бекітілген мүлікті жария етуді жүргізу жөніндегі комиссия өз жұмысын жалғастыруда.
Комиссия құжаттарды қабылдау және қарау жөніндегі жұмысын жүргізуде.
Мүлікті жария ету комиссиясының хатшысы А.Қ. Баймашованың 2015 жылдың 13 сәуіріндегі ақпаратына сәйкес комиссияға 1642 (3194 объект) арыз келіп түсті, оның ішінде саябақша үйлерін, жеке тұрғын үйлерді, қосымша құрылыстарды жария ету бойынша келіп түскен арыздардың ішінде, 775 арыз қайтарылды, 816 арыз бойынша комиссияда қаралып, жария етілді, ал 3 арыз бойынша жария етуден бас тартылды, 48 арыз қаралуда.
