ҚТЖ «Қорғас – Шығыс қақпасы» АЭА-ның халықаралық тұсаукесерге дайындығын тексерді

15 Сәуір, 2015 17:13

Қазіргі таңда «Қорғас – Шығыс қақпасы АЭА логистикалық және индустриялық аймақты дамытып, құрғақ порт құрылысын қарқынды жүргізуде. Тұңғыш халықаралық тұсаукесер рәсімін өткізуге дайындық жасауда. «ҚТЖ» ҰК» АҚ үлкен көлемдегі құрамдағы шетелдік инвесторлар қатысатын тұсаукесер рәсімін маусым айына жоспарлап отыр.

«ҚТЖ» АҚ хабарлағандай, АЭА-тың тұсаукесерге дайындығын «ҚТЖ»ҰК» АҚ президенті Асқар Мамин Алматы облысына жұмыс сапары барысында тексеріп қайтты. Ол «Қорғас-Шығыс қақпасы» АЭА маңызын ерекше атап өтті.

«Алтынкөл Еуразиялық құрлықта маңызды рол атқарады.Алтынкөл-Қорғас Орталық Азияның шекаралық қақпасына айналады. Жоба облыс қана үшін емес, Қазақстан қала берді Еуразиялық құрлық үшін де көліктік- логистикалық жүйенің маңызды бір бөлігі бола алады,- деп атап өтті ҚТЖ басшысы.

Қазіргі таңда АЭА-қа көптеген шетелдік инвесторлар қызығушылық танытып отыр. Олардың ішінде Hewlett Packard, Toyota, секілді алыс жақын шетелдердің 80-нен астам компаниясы бар.

«Біз осы жерде бизнесін дамыту үшін инвесторларға қолайлы жағдай жасауымыз керек,- деп есептейді А. Мамин.

«ҚТЖ» ҰК» АҚ президенті «Қорғас-Шығыс қақпасы» АЭА опеараторының өкілдерін қолдап отыр. Олардың құрамына әлемдік логистикалық оператор DPWorld кіреді. Аталмыш компаниямен ҚТЖ «Қорғас» және Ақтау халықаралық портын дамыту бойынша серіктестік келісім шартын түзген. Компания DPWorldк технологиясын қазақстандық жағдайға бейімдеуде.

Қазақстанға таяуда Дубайдың кеден органы делегациясы келіп, қазақстандық әріптестерімен бірге кедендік транзиттік жүктерді ресімдейтін IT-платформасын орнатуды жоспарлап отыр. Сол мезетте Алтынкөл мен «Қорғас» АЭА бірыңғай кедендік ресімдеу кешенінің технологиялық байланысы орнайды.

Оның ішіне транзиттік жүктер де кіреді. Ауқымды мақсаттар құрылыс компаниясының жұмысты жеделдетуін талап етеді. Белгіленген нысандар құрылысын барынша тез аяқтау жоспарлануда. Қазіргі таңда тар табанды және кең табанды темір жол төсемдері қойылды.

Таяуда құрғақ порт ғимараты пайдалануға берілмек. Қазіргі таңда оның ішкі әрлеу құрылыс жұмыстары жүргізілуде. Биылғы жылы Қорғаста қазақстандық және шетелдік инвесторлар жұмыстарын бастамақ. Таяуда басқарушы компанияның әкімшілік ғимараты пайдалануға берілмек. «ҚТЖ» ҰК» АҚ президенті инвесторларды тұрғын үй құрылысы мен инфрақұрылымдық нысандарға тарту жайын да қозғады.

Барлық жаңалықтар