ИИДМБ: Қостанай облысында өңірлік инновациялық орталық жобасы жүзеге асырылуда
М.Дулатов атындағы Қостанай инженерлік-экономикалық университетімен Өңірлік инновациялық орталығын ашу жөніндегі жоба уақыт талабына сай сапалы білім беру-өндірістік одағын құрудың айқын дәлелі болып табылады.
«Жоба екі кезеңде іске асырылады: І кезең – БЖК-2020 бағдарламасы аясында мемлекеттік қолдаумен «Технологиялық процестерді моделдеу және пайдалану» Оқу-өндірістік зертханасын құру» 2013 жылы бастауын алып, 2014 жылы аяқталды. Нәтижесінде зертхана жоғары технологиялық металл өңдеу өнеркәсіптік және СББ оқу станоктарымен, робототехникамен, 3D-принтермен, 3D-модеммен, компьютерлік сыныппен жабдықталды. Зертхана мамандары Германия мен Ресейде біліктіліктерін арттырып келді», - делінген хабарламада.
Үстіміздегі жылы жобаның ІІ кезеңі іске асырылуда – Өңірлік инновациялық орталығын (ӨИО) құру. 2015 жылдың 4 ақпанында ҚИнЭУ, «АгромашХолдинг» АҚ Қостанай филиалы мен «СарыАркаАвтоПром» ЖШС арасында М.Дулатов атындағы Қостанай инженерлік-экономикалық университетінің базасында Өңірлік инновациялық орталығын (ӨИО) құру туралы келісім жасалды.
Жоба мақсаты – машина жасау өндірісіне заманауи технологияларды енгізу, жоғарғы білім беруде оқытудың дуалды жүйесін енгізу, мамандарды инновациялық құрал-жабдықпен (СББ станоктарында) жұмыс жасауға үйрету, инженерлік және жұмыс мамандарының біліктілігін жоғарлату арқылы еңбек өнімділігін арттыру, қазақстандық құрамын өсіруге себеп болатын жоғарғы технологиялық өнімін өндіру.
Жоғары аталған курстарын өткізу тек біздің өңірдегі өнеркәсіп кәсіпорындары ғана емес, сондай-ақ Ақтөбе және Қостанай облыстарының («Ақтөбемұнаймашкомплект» ЖШС және «Евраз Каспиан басқа да кәсіпорындар мамандары қызығушылық танытты.
Айта кетейік, Мемлекеттің индустриалды-инновациялық даму бағдарламасын іске асыру мақсатында Облыс әкімінің 2013 жылғы өкімімен Өңірлік инновациялық жүйесін құру жөніндегі іс-шаралар жоспары бекітілді. Аталған жоспар өндіріс, білім беру және ғылымның өзара тиімді ұйымдастыруына бағытталған.
