Алматы облысының құтқарушылары ҰОС ардагерлеріне «Ардагерлер» әнін арнады
15 Сәуір, 2015 11:08
Алматы облысының құтқарушылары ардагерлердің құрметіне музыкалық шығармалар арнады, өздері шығарған «Ардагерлер» әнін шырқады, деп хабарлады ҚР ІІМ ТЖК.
«Асар» республикалық әлеуметтік акциясы барысында Алматы облысы ТЖ департаментінің және Суда-құтқару қызметінің қызметкерлері Ұлы Отан соғысының ардагері Сәмен Базарбаев пен оның жұбайы, тыл ардагаері Айтжамал Базарбаеваны құттықтап қайтты. Соғыс және еңбек ардагерлеріне гүл шоқтары мен сыйлықтар берілді.
Ардагерлерді құттықтау жылы, мейірімді отбасы жағдайында, қазақтың киелі дастарханының басында соғыс жылдарындағы әскери жол, ауыр еңбек және марапаттар туралы естеліктермен жалғасты.
