Оралда Қазақстан халқы достығының балалар фестивалі өтті
15 Сәуір, 2015 10:38
Орал қаласының Назарбаев зияткерлік мектебінде Қазақстан халқы достығының балалар фестивалі өтті, деп хабарлады облыстың ішкі саясат басқармасы.
Фестивалге республиканың әр облысынан 15 команда қатысты.
Балғындар неміс, ұйғыр, украин, шешен, татар, әзірбайжан костюмдерінде Қазақстанда өмір сүріп жатқан халықтардың мәдениетін көрсетті.
ІСБ хабарлағандай, қатысушылардың шығармашылық қабілеттері жоғары бағаланып, дипломдар мен құнды сыйлықтарға ие болды.
