Қазақстанда қауіпсіз емес өнімдер үшін салынатын айыппұл көлемін арттыру көзделіп отыр (ФОТО)

«Тұтынушылардың құқықтарын қорғау саласындағы басты басымдықтар тұтынушының құқығы мен өнімнің қауіпсіздігі болып қала береді. Тексеру жұмыстары кәсіпкерлерге оның шетелдік немесе отандық өндіруші екендігіне қарамастан, өндіретін өнімдерінің сапасын арттыруға көңіл бөлетіндігіне сенгің келеді. Тұтынушыға қауіпсіз өнім керек, ал бизнес тұтынушы үшін, қауіпсіз өнім үшін күресуі керек»,-деді А.Матишев.

Оның сөзінше, ЖЖМ мен электр энергиясына деген бағаның кемуіне қарамастан, қазақстандық өнім  бағасының төмендеуі байқалмайды.  

«Бүгінгі таңда біз анықтаған өнім қауіпсіздігіне байланысты фактілер бойынша айыппұл көлемі 300-ден 600 айлық есептік көрсеткішке дейін жетеді. Бұл көрсеткіштер әрине өте аз және оны көтеру мен талапты күшейту қажеттігін біз біліп, сезініп отырмыз. Ол үшін уақыт пен бизнес өкілдерінен және әріптестер тарапынан қолдау қажет»,-деп жалғады сөзін А.Матишев.

Комитет төрағасының айтуынша, бүгінде тиісті талаптарға сәйкес келмейтін өнімді жойып жіберуден көрі айыппұл салған әлдеқайда тиімді.  

Фото Азамат Алиев