• Басты
  • 200-ден астам әскери қызметші курстық даярлықты аяқтады (Фото)
14 Сәуір, 2015 15:37

200-ден астам әскери қызметші курстық даярлықты аяқтады (Фото)

ҚР ҚК Құрлық әскерінің «Отар» әскери базасында орналасқан оқу орталығында кіші мамандардың курстық даярлықты бітіруіне арналған салтанатты шара өтті, деп хабарлады Қорғаныс министрлігі.
200-ден астам әскери қызметші курстық даярлықты аяқтады (Фото)

Қазақстаннның түрлі аймағында Құрлық әскерінде келісім-шарт негізінде әскери қызметін өтейтін курсанттар 5 ай мерзім ішінде жауынгерлік дайындық пен дағдыны үйреніп, өздерінің кәсіби біліктіліктерін арттырды.

Курс шеңберінде 600 курсант пен 200 әскери қызметші  жаяу әскер соғыс көлігінің механик-жүргізушісі, танкілер, артиллериялық және зенттік құрылымдардың оператор-жолбастаушысы мамандығы бойынша курстық даярлықтан өтті. Қолда бар материалдық-техникалық базаның арқасында, атап айтқанда жаттығу орындары мен оқу әдебиеттері, оқу-жауынгерлік топ техникасы, полигондар мен атыс алаңдары әскерилерге сапалы дағдыны игеріп, теориялық және практикалық білім алуға мүмкіндік берді.

Салтанатты шараны ҚР ҚК Құрлық әскері басқолбасшысының орынбасары генерал-майор Әмір Халықов жүргізді. Ол ҚР ҚК Құрлық әскері басқолбасшысы генерал-лейтенант Мұрат Майкеевтің құттықтауын оқып, дайындық деңгейлерінің жоғары екендігін және алдағы әскери қызметте шыңдалып,  табыстарға жетуге тілестестігін жеткізді.  Сонымен қатар, курсанттарды гвардияның 30212 әскери бөлімінің командирі полковник Сабыр Каюмов құттықтады.

Дәріс қорытындысы бойынша кіші мамандар әскери техника мен қару-жарақты басқаруға мүмкіндік беретін жауынгерлік мамандық бойынша куәліктер алды. Бітірушілер әскери қызмет өтейтін бөлімдеріне қайта оралып, жақын арада өз міндеттерін орындауға кіріседі.

Айта кетейік, дене тәрбиесі, мемлекеттік-құқықтық және жауынгерлік даярлық бойынша емтиханды үздік тапсырған курсанттар әскери бөлімдерге жіберіліп, алған мамандықтары бойынша кіші маман лауазымында қызметтер атқарады.  Оқу орталығында курсанттар білімін толықтырып қана қоймай түрлі сайыстар аясында  өздерінің спорттық және шығармашылық мүмкіндіктерін көрсете білді.


 

 

 

 

 

Барлық жаңалықтар