• Басты
  • Павлодарда бизнес пен атқарушы билік арасындағы қарым-қатынас мәселесі талқыланды

Павлодарда бизнес пен атқарушы билік арасындағы қарым-қатынас мәселесі талқыланды

14 Сәуір, 2015 15:21
ҚР «Атамекен» ұлттық кәсіпкерлер палатасы Төралқасының төрағасы Тимур Құлыбаев Павлодар облыстық Кәсіпкерлер палатасы Аймақтық кеңесінің мәжілісіне қатысты.

Күн тәртібінде аймақтық Индустрияландыру картасы, мемлекеттік сатып алулар, қазақстандық қамту, кәсіпкерлер проблемасы сияқты кең ауқымды мәселелер бар.     

«Аймақтар экономикалық әлеуеті мен географиялық жағдайына байланысты бөлінеді және әр аймақтың өзінің ерекшелігі бар. Дегенмен, олардың барлығында да бірлескен түрде шешуді қажет ететін ортақ мәселелер де бар»,-деді Тимур Құлыбаев.

Оның сөзінше, Паалатаның құрылуының арқасында бизнес пен атқарушы билік арасындағы барлық деңгейдегі конструктивті қарым-қатынасты жетілдіруге қол жеткізілді. Осындай жағдайды еліміздің аймақтарында да қалыптастыру қажет және кәсіпкерлер палатасы бұл бағытта барлық шараларды қарастыруда. Барлық әкімдіктермен, соның ішінде Павлодар облысының әкімдігімен аймақтардағы атқарушы билік пен бизнес арасындағы қарым-қатынастың негізгі бағыттары көрсетілген келісім жасалды.   

Мәжіліс барысында аймақтың кәсіпкерлері салық төлеу, мемлекеттік тапсырыс, шағын және орта бизнесті субсидиялау, отандық тауарларды саудалау, тауараларды сертификаттау, сияқты мәселелерді көтерді. Мемлекеттік тапсырыстар туралы айта келе ҰКП-ның Төралқа төрағасы өз ісін адал атқаратын тасымалдаушылардың реестрі құрылатындығын айтты. Өз кезегінде ол отандық өнім өндірушілердің мемлекеттік сатып алулар мен жер қойнауын пайдаланушылардың мемлекеттік тапсырыстарына қолжетімділікті қамтамасыз етеді.

«Қазіргі таңда Индустрияландыру картасына баса назар аудару керек. Бізге жаңғыртумен айналысып, жаңа жобалармен жұмыс істеп, өсімге қол жеткізу керек. Мемлекетте қазір әсіресе, «Нұрлы жол» бағдарламасының аясында отандық тауар өндірушілер қатыса алатын құралдар жеткілікті.  Барлық жобаларға қолдау көрсетіледі. Біз жобаларды жүзеге асыруда барлық қызмет түрлерін көрсетеміз және бұл бағыттағы жұмыстар барлық салаларды қамтиды»»-деді Т.Құлыбаев.  

 

 

Барлық жаңалықтар