• Басты
  • Әйгілі әншілер ҚХА жылының аясында БҚО-да концерттер ұйымдастырды

Әйгілі әншілер ҚХА жылының аясында БҚО-да концерттер ұйымдастырды

14 Сәуір, 2015 20:24
Қазақстан халқы Ассамблеясының жылы мен Ұлы Жеңістің 70 жылдығына арналған «70 жылдаққа 70 ізгі іс» акциясының аясында елімізге әйгілі дәстүрлі ән өнерінің майталмандары Батыс Қазақстан облысының Сырым және Қаратөбе аудандарында концерттік бағдарламаларын ұсынды.

Концерттік бағдарламалар халық өнерінің нағыз мерекесіне айналды. Мәдениет үйлерінің сахнасында Мұхит, Сартай, Абайдың әндері мен Құрманғазы, Дәулеткерей, Сейтектің күйлері облыстың танымал әртістерінің орындауында әуеледі, деп хабарлады облыстың ішкі саясат басқармасы.    

«Қазақтың дәстүрлі ән өнері – біздің халқымыздың аса бай рухани мұраларының ішінде үлкен орын берілетін өнер. Күй, терме, толғау, жырлар қазақ халқының әлемдік мәдениетке қосқан үлкен үлесі»,-делінген хабарламада.

Осындай концерттік бағдарламалар алдағы уақытта еліміздің өзге де облыстарында өтеді деп жоспарлануда.  

 

 

Барлық жаңалықтар