• Басты
  • «20 ізгі іс» жобасының аясында Оралда мүмкіндігі шектеулі жандар үшін массаж кабинеті ашылды

«20 ізгі іс» жобасының аясында Оралда мүмкіндігі шектеулі жандар үшін массаж кабинеті ашылды

14 Сәуір, 2015 12:18
Кәріс этномәдени бірлестігінің бастамасының арқасында Батыс Қазақстан облысында «20 ізгі іс» акциясының аясында «Арба» қоғамдық бірлестігінен массаж кабинеті ашылды, деп хабарлады ішкі саясат басқармасы.

«Болашаққа көзқарас» әлеуметтік жобасының аясында шығыс массажының игілігін мүмкіндігі шектеулі 5 азамат көрді. Өзінің осы сала бойынша білімі мен біліктілігін дәстүрлі емес шығыс медицинасының дәрігері және массаж ісінің маманы Виталий Ан үйретуде. Ол Бөрлі аудандық кәріс этномәдени орталығының төрағасы. Массаж кабинетін ашу үшін арнайы бөлме қажет болған, оған кәсіпкер Ахат Иманғалиев қолғабыс еткен.

Ішкі саясат басқармасының мәліметтерінше, қоғамдық ұйым қатарында 160 адам бар, олардың 8-і ғана жұмыс істейтін болса қалғандары, қызығушылықтарына қарай өздеріне қажетті кәсіп тауып жұмыс істеуде. Ал массаж бөлмесінің ашылуы ұйымның өзге мүшелерінің пайдалы істермен айналысуларына мол мүмкіндік тудырмақ.  

«Арба» қоғамдық бірлестігінің өкілдері кәріс этномәдени орталығы мен ортақ іске қолғабыс еткен кәсіпкер азаматқа дән риза. «Этномәдени бірлестік өкілдерінің бұл істері «ҚХА-20 ізгі іс» акциясының жарқын көрінісі және ол алдағы уақытта да жалғасын таба беретін болады»,-дейді ұжым өкілдері.  

 

 

 

Барлық жаңалықтар