Сенат Төрағасы БҰҰ Даму бағдарламасының Қазақстандағы Тұрақты Өкілін қабылдады

13 Сәуір, 2015 18:56

Қазақстан Республикасы Парламенті Сенатының Төрағасы Қасым-Жомарт Тоқаев БҰҰ Даму бағдарламасының Қазақстандағы Тұрақты Өкілі Стивен Туллды қабылдады, деп хабарлады Сенаттың баспасөз қызметі.

Қ.Тоқаев БҰҰ мен ынтымақтастық Қазақстанның сыртқы саясатындағы басым бағыт болып табылатынын және осы ерекше әрі баламасыз ұйымның 70 жылдығын лайықты мерекелеудің маңыздылығын атап өтті.

С.Тулл Сенат Төрағасын БҰҰ-ның 70 жылдығына жоспарланған шаралар туралы хабардар етіп, БҰҰДБ-ның Қазақстандағы қызметімен және 2016-2020 жылдардағы кезеңде Қазақстан мен БҰҰ арасындағы даму мақсатындағы Әріптестіктің рамалық бағдарламасымен таныстырды. Құжат ұлттық басымдықтар негізінде және елде жүзеге асырылып жатқан бағдарламалар мен реформаларды қолдауды мақсат еткен БҰҰ-ның Қазақстандағы қызметінің келешек жоспары болып табылады.

Жүздесушілер сондай-ақ Қазақстанда БҰҰ-ның Аймақтық хабын құруға байланысты мәселелерді талқылады. Қ.Тоқаевтың пікірінше, БҰҰ жүйесінің жұмысына Қазақстанның білікті жас мамандарын тарту қажет және осы маңызды істе БҰҰ Даму бағдарламасы пайдалы рөл атқара алады.

Барлық жаңалықтар