М.Д. Зариф: Иран Қазақстандағы инвестициялық жобалардың жүзеге асырылуына мүдделі

«Иран Қазақстанда инвестициялық жобалардың жүзеге асырылуына мүдделі, -деді Иран Ислам Республикасының Сыртқы істер министрі Мохаммад Джавад Зариф еліміздің Сыртқы істер министрі Ерлан Ыдырысовпен болған келіссөздердің қорытындысына байланысты өткізген баспасөз-мәслихатында   

«Біз кездесу барысында Роухани мырзаның Қазақстанға сапары барысында келісілген келісімдердің жүзеге асырылуын талқылауға тырыстық. Мен Қазақстан-Түркменстан-Иран» темір жол бағытын пайдаланудың маңыздылығын атап өткім келеді. Қазақстан ашық теңізге қол жеткізді. Бізде ауыл шаруашылығы мен экономиканың өзге де салаларында ынтымақтастың жоғары әлеуеті бар. Иран тарапы Қазақстан аумағында түрлі инвестициялық жобаларды жүзеге асыруға мүдделі, соның ішінде пайдалы қазбалар бойынша да»,-деді Иранның СІМ басшысы.  

Оның сөзінше, Мохаммад Джавад Зариф Роухани мырзаның Қазақстанға сапары екі елдің ынтымақтастығы үшін қажетті жағдайларды жасап берді. «Бүгін біз Нұрсұлтан Назарбаев мырзаның Иранға сапарын күтіп отырмыз. Біз бұл сапардың біздің қатынастарымызды одан әрі тереңдете түседі деген ойдамыз»,-деді М.Д.Зариф.

Бұған қоса Қазақстан мен Иранның Сыртқы істер министрліктерінің басшылары халықаралық және аймақтық қауіпсіздік мәселелерін талқыға салды. «Нақтырақ айтқанда олар Йемен, Ирак, Ауғанстан, Сирияда қалыптасқан мәселелерді талқылады. Біз осы мәселелер бойынша пікірлерімізді тыңдап, аталмыш аймақтарда бейбітшілік пен тұрақтылық орнайтындығына сенім білдірдік»,-деді қонақ.   

Камила Амирова