Әскери қызметшілер майдангер –авиаторды жеңіс мерейтойымен құттықтады (Фото)

13 Сәуір, 2015 20:01

Ұлы Отан соғысындағы Жеңістің 70 жылдық мерейтойына орай барлық елдерде іс-шаралар өтеуде,оның аясында әскери қызметшілер ардагерлерге құрмет көрсетіп, құттықтауда, сонымен қатар, майдангерлерге қолдау көрсетіліп, естелік сыйлықтары берілуде, деп хабарлады ҚР Қорғаныс министрлігі.

«Астана» өңірлік қолбасшылығы Қарағанды облысының құрметті тұрғыны Ұлы Отан соғысының ардагері, авиация подполковнигі Бүркітбай Есжановты Жеңіс мерейтойымен құттықтады.

«Астана» өңірлік қолбасшылықтың қолбасшысы генерал-майор Сұлтан Қамалетдинов бастаған жеке құрам майдангерге барып, оны айтулы мерейтой күнімен құттықтап, зор денсаулық және ұзақ ғұмыр тіледі. Әскери қызметшілер ақсақалға қазіргі заманғы ҚР ҚК әскери киім-кешегін және Ұлы Отан соғысы уақытындағы заттарға арналған қапты табыс етті.

Бүркітбай аға әскери қызметшілерге соғыстың ауыртпашылықтары мен жан аямай болашақ ұрпақтың еркіндігі үшін құрбан болған жауынгерлеріміздің батырлығы туралы әңгімелеп берді. Ұлы Отан соғысының барлық ардегерлері мен қатысушыларына Қарулы Күштер ұдайы қолдау көрсетіп, назардан тыс қалдырмайтынын айта кеткен жөн.

Жеңістің 70 жылдығына арнап әскери қызметшілер майдангерлер үшін көптеген акциялар, әлеуметтік іс-шаралар, естелік заттары мен дәстүрлі қамқорлық жұмыстарын дайындауда.

Барлық жаңалықтар