Елбасы 2015 жылы ресми сапармен Иранға барады – ҚР СІМ

«Бүгін біздің кездесу барысында бірқатар күрделі сәселелер талқыланды. Біз екіжақты сауда-экономикалық қарым-қатынасты талқыладық. Жаһандық және өңірлік жағдайдағы қауіпсіздік мәселесін талқыладық. Аталмыш кездесу өткен жылдың қыркүйек айында Иран Президенті Руханидің Қазақстанға жасаған сапары барысында келісілген болатын», - деді ол.

Сондай-ақ, Қазақстан мен Иран  сыртқы істер министрлігінің басшылары БҰҰ, АӨСШК сынды халықаралық ұйымдардағы ынтымақтастықты талқылады.

«Біз сондай-ақ, Қазақстан Президентi Нұрсұлтан Назарбаевтың биыл өтетiн Иран Ислам Республикасына сапары жайында да бiраз мәселелердi анықтап алдық. Ол сапардан бұрын бiз Иран мен Қазақстанның сауда-экономикалық, мәдениет және ғылым жөнiндегi үкiметаралық комиссиясының отырысын өткiзудi жоспарлаудамыз», - деді министр.

Кездесу барысында негiзгi назар сауда-экономикалық қарым-қатынастарға берiлдi. «Бiз бұл ықпалдастықтың болашақ әлеуетi одан зор екенiн түсiнемiз.Иран Президентi Рухани мырза Қазақстанға сапары барысында бұл сауда-экономикалық байланыстардың маңыздылығын ерекше атап өткен болатын. Бiзде бұл салада үкiметаралық комиссия бар. Iскерлiк кеңесi де құрылып, өз жұмысын бастағанын да айта кету керек.Кеілімдер тауар айналымы саласында жүзеге асады, біздің тауар айналым 1 млрд АҚШ долларынан асады деп үміттенеміз», - деді Е. Ыдырысов. 

Камила Амирова 

Суретті түсірген Азамат Әлиев