Шымкентте «Жұмыспен қамту-2020 жол картасы» бағдарламасы бойынша 72 отбасы пәтерге ие болды

«Оңтүстік Қазақстан облысында 72 отбасыларға пәтерлердің кілттері табыс етілді. Олардың: 61-і ата – анасының қамқорлығынсыз қалған жетім отбасы, әлеуеті төмен елді мекеннен қоныс аударуға ниет білдірген 11 отбасы»,- деп хабарламада нақтыланған. 

Бүгінгі шара – «Жұмыспен қамту 2020 жол картасы» Бағдарламасының 3 бағыты аясында Шымкент қаласының «Нұрсәт» шағын ауданында қоныс аударушыларға арналған 108 пәтерлік көпқабатты № 135-в үйге қоныстандыруға арналған. 

Қоныс аударушылардың жаңа мекен жайында әлеуметтік және жұмыспен қамту мәселелері шешімін табады. Көшіп келетіндердің мектеп жасындағы 19 оқушы балалар «Нұрсәт» мөлтек ауданындағы №80 орта мектепте оқитын болады, мектепке дейінгі жастағы 40 жасөспірім қалалық білім бөлімі арқылы қолданыстағы тәртіпке сәйкес балабақшаларға орналастыру бойынша ұйымдастыру жұмыстары жүргізілуде. 

Қоныс аударғандардың еңбекке қабілеттілері Шымкент қаласының кәсіпорындары мен мекемелеріне жұмысқа тартылады, олар үшін бүгін бос жұмыс орындары дайындалып ұсынылды. Атап айтқанда, «Білікті маман» ЖШС-і, «Жылуэнерго ремонт» ЖШС-і, «Аэропорт ремонт» АҚ-ы, «Шымкентмай» АҚ, «Олимпиада резервтерін дайындайтын мектеп интернат», «Темур Бетон» ЖШС, «ЮгПищеПром» ЖШС-і, «Еврофарма»  ЖШС.