Ұлы Жеңістің 70 жылдығына орай Петропавлдағы Жеңіс бағына 25 сібір шыршасы отырғызылды
13 Сәуір, 2015 14:48
Петропавлда жалпықалалық қайрымдылық сенбілігі өткізіліп, оның аясында Жеңіс бағында 25 сібір шыршасы отырғызылды, деп хабарлайды Солтүстік Қазақстан облысының әкімдігі.
Іс-шараға Солтүстік Қазақстан облысының әкімі Ерік Сұлтанов қатысты. ҰОС ардагерлері, Қазақстан халқы Ассамблеясының аймақтағы өкілдері, жастар мен облыс әкімі саябақты абаттандыруға белсенді атсалысты. Ерік Сұлтанов онда ҰОС ардагерлеріне саябақты жөндеу бағытындағы жоспарларымен таныстырды.
«Ұлы Жеңістің 70 жылдығына Батырлар аллеясы ашылады. Мұнда расында да мықты саябақ болуы керек. Келесі аптада тағы 25 сібір шыршасы отырғызылады»,-деді облыс әкімі.
Қайрымдылық акциясына қаланың 450 ұжымы қатысты. Бұл 10 мың адам. Болашақта саябаққа шыршадан өзге де көптеген ағаштыр отырғызу жоспарлануда.
