Ақтөбе облысында соғысқа қатысқан жерлестер туралы кітап шықты
«Соғыс жылдарындағы Ойыл» - «Нұр Отан» партиясының облыстық филиалының кеңсесінде тұсауы кесілген кітаптың атауы осы. Бұл - арасында танымал тілшілер, полиграфистер, мұражай қызметкерлері, әскерилер болған авторлар тобының көпжылғы еңбегі.
«Бұл кітаптың бағалылығы - оның деректілігінде. Авторлар тұтқынға түсіп, із-түзсіз жоғалған, тағдыры белгісіз болған жүздеген жерлестерінің есімдерін қалпына келтірді», - деп атап өтті басылымның тұсаукесерінде облыстық ішкі саясат басқармасының басшысы Зәпен Жұмабаева.
Мұрағаттық материалдар негізінде құрылған кітап ойылдықтардың Ұлы Отан соғысына қатысуы туралы баяндайды. Онда соғыс жылдарындағы көптеген фотосуреттер мен жерлестердің майданнан жолдаған хаттары бар.
Кітапты құру бастамасын «Нобель» баспаханасының директоры Нұрлан Жұмағалиев, облыстық тілдерді дамыту басқармасының бөлім меңгерушісі, тілші Алмат Пангереев және Ресей әскерінің полковнигі Олег Ярошенко алға тартты. Олардың барлығы - Ойылдың тумалары.
Кітапты құруда Ойыл және Қобда аудандық әкімдіктері, кино, фото және дыбыс жазу Орталық мемлекеттік мұрағат, облыстық мұрағат та үлкен қолдауын көрсетті.
