• Басты
  • Қазақстан мен Түркия арасындағы кәсіптік-техникалық білім беру саласы бойынша ынтымақтастық қарқынды дамуда

Қазақстан мен Түркия арасындағы кәсіптік-техникалық білім беру саласы бойынша ынтымақтастық қарқынды дамуда

13 Сәуір, 2015 10:39
Қазақстандықтардың Түркияда білім беру бағдарламалары бойынша тәжірибе алмасу және тағылымдамадан өту жөніндегі ынтымақтастық қарқынды дамуда, деп хабарлады СІМ.

Қазіргі таңда Қазақстанның бүкіл облыстары мен қалаларынан жиналған 66 оқытушы мен кәсіптік-техникалық білім беру мамандары Түркияда тағылымдамадан өту барысында. Іс-шара Түркия Үкіметінің жанындағы ынтымақтастық және үйлестіру агенттігінің (ТИКА) Түркияның Ұлттық білім беру министрлігімен бірлесе отырып жүргізген білім беру бағдарламалары аясында ұйымдастырылды.

Қазақстанның кәсіптік-техникалық оқу орындарының өкілдері қазіргі заманға сай білім беру әдістері мен технологиялармен танысып, теориялық және практикалық сабақ ретінде тәжірибе алмаса алады. Тағылымдама Ыстанбұлдың алдыңғы қатарлы оқу орындарының негізінде өткізілуде.

Күні бүгінге дейін тәжірибемен алмасу бағдарламалары бойынша Түркияда 300-ден астам қазақстандық оқытушы тағылымдамадан өтті.

 

Барлық жаңалықтар