• Главная
  • Парадқа қатысушыларға арнап салтанатты және жауынгерлік жаңа киім үлгілері тігілуде (Фото)
13 апреля, 2015 10:24

Парадқа қатысушыларға арнап салтанатты және жауынгерлік жаңа киім үлгілері тігілуде (Фото)

Ұлы Отан соғысындағы Жеңістің 70 жылдығына арналған парадқа қатысушы ҚР ҚК әскери қызметшілерін салтанатты және жауынгерлік жаңакиім үлгілерімен қамтамасыз етпек, деп хабарлады Қорғаныс министрлігі.
Парадқа қатысушыларға арнап салтанатты және жауынгерлік жаңа киім үлгілері тігілуде (Фото)

Қазіргі кезде киім үлгілерін тігу жұмыстары ұйымдастырылған. Барлық киім үлгілерітаңдалып, әр әскери қызметшіге жеке арналып тігіледі. Осыған байланысты ҚР ҚК әр әскер түрлері, тектері мен басқа бөлімшелерінің әскери қызметшісі үшін киім өлшеуге уақыт бөлінген.

Әскери киім үлгісі техникалық (үлгідегі) сипаттамасына қарай тігіледі. Әр үлгіге арнап нақты бір жинақ келтірілген. Сонымен қатар әскери қызметші қыз-келіншектердің салтанатты киім үлгісі ерекше назарда болып отыр. Салтанатты киім үлгілеріндегі түстер үйлесімділігі, мысалы қалпақ, мундир және көгілдір түсті белдемше, ақ түсті көйлек пен етік, парад белбеуі және  алтын түстес аксельбант Қарулы Күштердің әсем өкілдерінің нәзіктігі мен әдемілігін айқындай түседі. 

 Естеріңізге сала кетсек, біздің қазіргі армиямыз 2011 жылы киім үлгілерін өзгерткен болатын. Аталған өзгертулерден кейін киім үлгілерінде тігуге арналған маталарына қатысты азғана жөндеулерден басқа өзгертулер болған жоқ. Бұл киім үлгілері ыңғайлы және жинақылығымен ерекшеленіп қана қоймай, тез тозбайды.