Қытайдың Халықаралық саудаға жәрдемдесу комитетінің делегациясы Астанаға 2015 жылы келеді
Кездесу барысында тараптар екіжақты ынтымақтастықтың өзекті сауда-экономикалық және инвестициялық мәселелерін, қытай тарапының Астанада өтетін «ЭКСПО-2017» халықаралық көрмесіне қатысуын және Қазақстан-Қытай Іскерлік Қенесінің кезекті 3-ші отырысын өткізуін талқылады.
Елші ҚР «Нұрлы жол» жаңа экономикалық саясатының негізгі мазмұнымен таныстырып, оның «Жібек жолының экономикалық белдеуімен» үндестігіне назар аударды.
«Цзян Цзэнвэй ҚХР үкіметі қытай тарапының «ЭКСПО-2017»-ге қатысуына, сондай-ақ Қазақстан-Қытай Іскерлік Қеңесі аясындағы екі мемлекет іскерлік топтары арасындағы байланыстарды тереңдетуге және одан әрі дамытуға ерекше көңіл бөлетінін атап өтті», - делінген хабарламада.
Кездесу қорытындысы бойынша қытай тарапының «ЭКСПО-2017» халықаралық көрмесіне қатысу мәселелерін пысықтап, онда Қытай ұлттық павильонын салу сұрақтарын пысықтау мақсатында, ҚХР ХСКК делегациясының 2015 ж. екінші жартысында Астанаға жұмыс сапарын ұйымдастыру туралы уағдаластықтарға қол жеткізілді.
Сонымен қатар, екі жақты экономикалық және инвестициялық жобаларды талқылау мақсатында ҚХР кәсіпкерлерінің делегация құрамына кіргізіліп, Қазақстанға сапарын ұйымдастырылуы жоспарланды.
ҚХР ХСКК 1952 ж. құрылып, бүгінгі күні қытайлық компаниялардың тауарлары мен қызметтерін халықаралық нарықтарға ілгерілету бойынша ҚХР-дың ең ірі мекемесі. Комитеттің құзыреті Қытай экономикасының сауда және өнеркәсіп салалардағы барлық кәсіпорындар мен мекемелерді қамтиды. ҚХР ХСКК - қытай компанияларының ең ірі халықаралық көрмелерге қатысуларын қамтамасыз ететін жауапты орган және Қазақстан-Қытай Іскерлік Қеңесінің тең құрылтайшысы болып табылатын мекеме.
