• Басты
  • Каспий теңізінде қазақстандық үш жауынгерлік кеме экипажы теңіз биатлонына дайындалуда (Фото)
12 Сәуір, 2015 10:39

Каспий теңізінде қазақстандық үш жауынгерлік кеме экипажы теңіз биатлонына дайындалуда (Фото)

«Қазақстан», «Орал» және «Сарыарқа» атты үш отандық зымыранды-артиллериялық кеме экипажы, сондай-ақ теңіз жаяу әскерлері бригадасы «Каспий теңізі – 2015» теңіз биатлонына дайындалуда, деп хабарлады Қорғаныс министрлігі.
Каспий теңізінде қазақстандық үш жауынгерлік кеме экипажы теңіз биатлонына дайындалуда (Фото)

Су үсті жауынгерлік кемелерінің капитандарына ерекше міндет жүктелді. Жеке құраммен жұмыс барысында олар әр әскери қызметшінің кәсіби шеберлігін жетілдіріп қана қоймай, психологиялық тұрғыда салауатты ахуалды орнатып, ұжымды біртұтас команда ретінде топтастыра білуі қажет.

«Біздің әскери теңізшілер байқаудың күрделі сынақтарынан лайықты өтетініне және өздерінің кәсіби шеберлігін тағы да дәлелдейтініне сенемін. Қазақстан Қарулы Күштерінің Әскери-теңіз күштері – жай ғана қызмет, жұмыс немесе іс-қимыл түрі емес. Біздің әрқайсымыз үшін бұл өзіміз таңдаған өмір жолы, ішкі ықыласымыз», - деп «Қазақстан» зымыранды-артиллериялық кеме капитанының тәрбие және идеологиялық жұмыстар жөніндегі орынбасары аға лейтенант В. Кочуров атап өтті.

Байқаудың ауқымдылығына баға беріп отырған әскери теңізшілер нәтижесінде жоғарғы кәсібилікті, дене күші мен төзімділікті көрсету үшін күнделікті жаттығуларда өз шеберліктерін шыңдап, ерінбей-жалықпай жаңа биіктіктерді бағындыруда. «Каспий теңізі – 2015» халықаралық жарысы – бірегей және жетілген іс-қимыл, сонымен қатар Қазақстан Әскери-теңіз күштерінің, сондай-ақ басқа да қатысушы – Ресей, Түркіменстан және Әзербайжан елдерінің жауынгерлік әзірлігін көрсететін тамаша емтихан болмақ. Теңіз биатлоны үшін Каспийдің арнайы акваториялары бөлініп, дәл сол жерде биыл жазда ауқымды жарыс қанат жаятын болады .


 

 

Барлық жаңалықтар