ШҚО фармацевтері өз біліктіліктерін арттырды

Бұл іс-шара Шығыс Қазақстан облысы фармацевтика мамандарының өтініші бойынша ұйымдастырылды. Олар жаңа білімді, ақпараттарды, практикалық кеңестерді алу мүмкіндігін ұсынатын ҚДСЖМ фармация саласындағы жетекші мамандарын әрқашан қуанышпен қарсы алады.

Жұмыс оқу жоспарын жүзеге асыру аясында мынадай тақырыптар қамтылды: фармацевтикалық жүйе сапасын реттейтін халықаралық құжаттар,  фармация саласындағы ұлттық стандарттар (практикаға лайықты). Сабақ барысында лайықты дистрибьюторлық және дәріханалық практикаларға,  стандартты операциялық рәсімдерді құру ережелері мен құжаттамаларды басқаруға ерекше көңіл бөлінді.  

Цикл аяқталғаннан кейін барлық тыңдаушылар сертификат алды, соңы дөңгелек үстелмен жалғасты.  Мұнда тыңдаушылар ашық түрде пікір алмасып, өз ойлары мен ұсыныстарын ортаға салды және өткізілген цикл үшін алғыстарын білдірді.