Алматыда «Көктем-Күз 2015» футболдан Ұлттық студенттік лига ойындары ашылды (ФОТО)

11 Сәуір, 2015 15:44

Әл-Фараби атындағы ҚазҰУ стадионының спорт кешенінде Қазақстан Республикасы Білім және ғылым министрі А. Сәрінжіповтың қатысуымен «Көктем-Күз 2015» футболдан Ұлттық студенттік лига ойындарының салтанатты ашылу рәсімі өтті.

ҚР Білім және ғылым министрлігі хабарлағандай, Елбасы Н.Назарбаевтың тапсырмасымен елімізде бұқаралық спорт пен ірі спорттық жарыстарға көп көңіл бөлінуде.

Өткен жылы Қазақстан Республикасы Білім және ғылым министрлігі мен Қазақстан Республикасы футбол Федерациясы арасында білім беру ұйымдарында футболды дамыту жөніндегі өзара Меморандум жасалынды.

2014 жылы футболдан Ұлттық студенттік лигаға Астана және Алматы қалаларының жоғары оқу орындарының командалары қатысса, биыл жаңа қатысушылардың қатарына Қарағанды және Шымкент қалаларының жоғары оқу орындарының командалары қосылды. Бұл Ұлттық студенттік лига дәрежесі өскендігінің айқын дәлелі.

Ұлттық студенттік лиганың топтық кезеңінің бірінші матчын «Арлан» (әл-Фараби атындағы ҚазҰУ) және «Политех» (Қ.Сәтпаев атындағы ҚазҰТУ) командалары ойнайтын болады.

Одан әрі коктемгі Ұлттық студенгттік лига турнирі Астана және Қарағанды қалаларында өткізіліп, Шымкент қаласында аяқталады.