Астанада Монополияға қарсы саясат жөніндегі мемлекетаралық кеңесінің 42-ші мәжілісі өтіп жатыр
МҚСМК 20 жылдан астам уақыттан бері монополияға қарсы заңнамаларды дамыту бағытындағы соңғы уақыттағы шаралар мен ТМД-ға мүше елдердегі жалпы экономиканың жағдайы бойынша тұрақты пікір алмасуға бағытталған негізгі алаң болып табылады.
Айта кетейік, аталмыш ұйым аясында атқарылатын жұмыстар ТМД-ға мүше елдердің бәсекелестікті реттейтін ұлттық заңнамаларын жетілдіруге және оларды халықаралық тәжірибе негізінде қолдануды дамытуға бағытталған.
Өз кезегінде МҚСМК жұмысының нәтижелері монополияға қарсы саясатты дамытуға қосылған өлшеусіз үлес деуге болады. Өйткені ол ТМД-ға мүше елдердегі тауар нарығындағы монополияға қарсы күрес проблемаларын бірге анықтап, олар бойынша тиісті шешімдерді де келісілген түрде қабылдауға мүмкіндік береді.
Осылайша, халықаралық ұйымының әрбір мүшесі монополияға қарсы саясат жөніндегі неғұрлым кеңінен тараған мәселелер туралы ақпараттарды ұсынып отырады. Ал МҚСМК-нің мәжілісі осы проблемаларды талқыға салып, олардың болашақта алдын алу, оған ықпал ететін жайттарды шектеу немесе жою бойынша тиісті шаралар қабылдауды қарастырады.
Индира Кауметова
